செப்டம்பர் 6, 2010 இல் 6:48 மு.பகல் (சமையல் குறிப்புகள்)
Tags: சப்பாத்தி வகைகள்
தேவையானவை:
- கோதுமை மாவு – ஒரு கப்
- சோயா மாவு – ஒரு டேபிள் ஸ்பூன்
- கடுகு – அரை டீஸ்பூன்
- எண்ணெய் – 2 டீஸ்பூன்
- உப்பு – தேவையான அளவு.
பூரணத்திற்கு தேவையானவை:
- உளுந்து – கால் கப்
- காய்ந்த மிளகாய் – 2
- சோம்பு – கால் டீஸ்பூன்
- தேவையான அளவு உப்பு.
செய்முறை:
- கோதுமை மாவு மற்றும் சோயா மாவு ஆகியவற்றை, உப்பு, தேவையான அளவு தண்ணீர் சேர்த்து சப்பாத்தி மாவு பதத்தில் மிருதுவாக பிசைந்து கொள்ளவும்.
- ஒரு மிளகாயுடன் உளுந்தை சேர்த்து அரை மணி நேரம் ஊற வைக்கவும்.
- நன்றாக ஊறியதும் சோம்பு, உப்பு, ஒரு மிளகாய் சேர்த்து கரகரப்பாக அரைத்து கொள்ளவும்.
- இந்த விழுதை ஒரு கிண்ணத்தில் வைத்து, ஆவியில் வேக வைத்து கொள்ளவும்.
- ஒரு குச்சியை விட்டு பார்க்கும்போது மாவு ஒட்டாமல் வர வேண்டும்.
- பிறகு இந்த உளுந்து பூரணத்தை ஆற வைத்து உதிர்த்து கொள்ளவும். கடாய் காய்ந்ததும் எண்ணெய் விட்டு, கடுகு தாளித்து, உளுந்து பூரணத்தை சேர்த்து கிளறி இறக்கவும்.
- பிசைந்து வைத்திருக்கும் மாவிலிருந்து சிறிது எடுத்து உருண்டையாக்கி கிண்ணம் போல செய்ய வேண்டும்.
- உளுந்து பூரணத்தை அதில் நிரப்பி, உருட்டி மெல்லிய சப்பாத்திகளாக தேய்த்து கொள்ளவும்.
- தோசைக்கல்லில் சுட்டெடுக்கவும்.
நன்றி: தினமலர்
கருத்துத் தெரிவிக்கவும்
ஜூலை 15, 2010 இல் 10:57 மு.பகல் (சமையல் குறிப்புகள்)
Tags: சப்பாத்தி வகைகள்
தேவையானவை
- மைதா – 2 கப்
- முட்டை – 1
- பேக்கிங் பவுடர் – அரை தேக்கரண்டி
- சர்க்கரை – 1 தேக்கரண்டி
- உப்பு – தேவையான அளவு
- எண்ணெய் – 2 தேக்கரண்டி
செய்யும் முறை
- ஒரு பாத்திரத்தில் மைதா மாவுடன் உப்பு, பேக்கிங் பவுடர், சர்க்கரைப் போட்டு நன்கு கலக்கவும்.
- பிறகு மாவிற்கு நடுவில் ஒரு குழியை ஏற்படுத்தி, அதில் முட்டையை உடைத்து ஊற்றவும்.
- மாவைக் கைகளால் நன்கு பிசைந்து கிளறவும். தேவையான அளவு தண்ணீர் ஊற்றி மாவை மிருதுவாக பிசைந்து வைக்கவும்.
- பிசைந்த மாவின் மீது எண்ணெய் ஊற்றி 2 மணி நேரம் ஊற விடவும்.
- ஊறிய மாவினை சிறிய உருண்டைகளாக உருட்டிக் கொள்ளவும். உருண்டைகளை மெல்லிய சப்பாத்திகளாக இட்டு அதன் மீது நெய்யை தடவை சப்பாத்தியை உருட்டி மீண்டும் உருளையாக்கி அதனை பரோட்டாவாக திரட்டவும்.
- தோசைக் கல்லில் பரோட்டாவைப் போட்டு இரண்டு பக்கமும் சிவக்குமாறு எண்ணெய் ஊற்றி எடுக்கவும்.
- இதன் சுவை புதுமையாக இருக்கும். செய்து சுவைத்துப் பாருங்கள்.
நன்றி வெப்துனியா! 
கருத்துத் தெரிவிக்கவும்
தேவி
