இதனை எளிதில் செய்து விடலாம். இனிப்பான நல்ல ஸ்வீட். இதை என் அப்பா மூலம் அறிந்து கொண்டேன்! நானும் நிறைய தடவை செய்து உள்ளேன். மிகவும் சுவையாக இருக்கும். அதிகநாட்கள் இருக்கும். கெட்டு போகாது. அதை உங்களுக்காக இங்கே இணைக்கிறேன்! நீங்களும் செய்து சுவைத்து பாருங்கள்!
தேவையான பொருள்கள்:
மைதா – 1கிலோ
ரவை – சிறிதளவு
ஐசிங்சுகர் [அரைத்த சர்க்கரை பவுடர்] – 3/4கிலோ
சோடா உப்பு – சிறிதளவு
டால்டா – 3 ஸ்பூன்
தண்ணீர் – பிசைய தேவையான அளவு
ஏலக்காய் தூள் – 1ஸ்பூன்
பாதாம் எசன்ஸ் அல்லது வெண்ணிலா எசன்ஸ் – சிறிதளவு
பால்பவுடர் – 5ஸ்பூன்
ரிபைன்டு ஆயில் – பொரிப்பதற்கு தேவையான அளவு
செய்முறை:
- முதலில் மைதாவையும் ரவையையும் நன்கு சலித்து வைத்துக் கொள்ளவும்.
- அதில் டால்டா, சோடா உப்பு, ஐசிங்சுகர், தண்ணீர், ஏலக்காய் தூள், பாதாம் எசன்ஸ், பால்பவுடர் ஆகியவற்றை சேர்த்து சப்பாத்தி மாவு பதத்திற்கு பிசைந்து வைத்துக் கொள்ளவும்.
- அதனை 1மணி நேரம் ஊற வைத்துக் கொள்ளவும்.
- பின்பு சிறிய உருண்டைகளாக உருட்டி வைத்துக் கொள்ளவும்.
- உருண்டைகளை சப்பாத்தி கல்லில் சிறு மைதாமாவை தடவி சப்பாத்தி போல் கொஞ்சம் கனமாக தேய்க்கவும்.
- தேய்த்த சப்பாத்தியை சிறு சிறு துண்டுகளாக கத்தி மூலம் வெட்டிக் கொள்ளவும்.
- வெட்டிய துண்டுகளை தனியே எடுத்து சிறிது நேரம் காயவைத்துக் கொள்ளவும்.
- பின்பு வாணலியில் எண்ணெய் ஊற்றி காய்ந்ததும் துண்டுகளை போட்டு பொன்நிறம் வந்தவுடன் எடுத்து வாய்அகன்ற பாத்திரத்தில் போடவும்.
- பொரித்த துண்டுகள் ஆறியதும் காற்றுபுகாத டப்பாக்களில் அடைத்து வைத்துக் கொள்ளவும்.
- தேவையான பொழுது எடுத்து பரிமாறவும்.
- சுவையான மைதா கேக் தயார்!
